02 Skifer

01 Bovra, bákteveažir, šluppot

Ráktobargit ráige saji ruvttaide nábáriin ja šluppohiin. Muhtun doalai nábára ja nubbi dearppai bákteveahčiriin. Geađgi luddejuvvui šluppohiin ovdal go sirde bargosadjái.

02 Šleagga, čoaltolohti, ráktoákšu

Dat geađgi mainna ráktobargi bargá, gohčoduvvo čoaltun. Vuosttaš maid dahká, lea geahppasit dearpat. Dat mearkkaša ahte čuollá bajemus 10 centimehtera čoalttus šluppohiin ja čoaltolođiin. Ráktoákšu adnojuvvo jus rávttut eai luovvan miehtá birra.

03 Dáhppalohti, dáhppaveažir

Dasto čullojuvvojit sihke assás ja asehit rávttut dáhppalođiiguin ja dáhppaveahčiriiguin. De easka oaidná lea go veardidan geađggi riekta. Assás rávttut gohčoduvvojit heallun, ja dat sahejuvvojit tráhppaceahkkin ja gáhttageađgin Álttá sahadoaimmahagas. Asehis rávttut čuhppojuvvojit láhtte- ja dáhkkegeađgin Geađgebávttis.

Dáhppalohti ferte leat bastil vai sáhttá deaivat luddestaga njuolga. Ođđa dáhppalođit ledje oalle guhkit, muhto otno juohke sadjimiin. Dán bures adnon dáhppalohti lea Álttá-rávdi Daniel Heitmann ráhkadan. Dat gávdnui Beaskeváris 2017:s, gos su bártnis, Didrik Heitmannas, lei vieččahat 1990-logu álggus. Gáldu: Tormod ja Bjarne Heitmann, Didrika áddjubat ja Daniela máttaráddjubat.

04 Dáhkkegeađgemihtut

Dáhkkerávttut ráhkaduvvojit sihke njealječiegagin ja goaikkanashápmin, mii gohčoduvvo “lappstein” dárogillii. Ovdal ledje dáhkkegeađgemihtut ráhkaduvvon muoras, ja dain lei ruovdebáddi birra. Ruovdebátti haga livččii muorra veahážiid mielde gollan ja mihttu livčče dađi mielde unnon. Dál ráhkadit mihtuid dušše ruovddis. Dát lappstein-mihttu gávdnui ovtta vieččahagas bajemusas Buollánávžžis.

05 Dáhkkegeađgemihtut, báktesárggon, sveipa

Go galgá bidjat ráktodáhki, de fertejit buot geađggit leat ovtta stuoru ja dain ferte leat ovttalágan hápmi. Dan dihte lávejit bidjat dáhkkegeađgemihtu rávttu nala ja faskut birra. Sveipa adno dasa ahte dearpalit stuora badjelmearálaš bihtáid eret rávttus ovdal go čuohppá.

06 Ráktomihtut

Láhtterávttuid standárdamihttu gávcci iešguđetlágan sturrodagas.

07 Vossaskárrit

Loahpas čuhppojuvvo geađgi minstara mielde. Vossa-skárrit bohte Áltái sullii 100 jagi áigi, ja álkidahtte dáhkkegeađgebuvttadeami sakka. Odne jođihuvvojit skárrit elrávnnjiin.